पणजी : राज्यातील अनेक भागात सोमवारी पावसाने हजेरी लावली. हवामान खात्याने आज दि. 31 रोजी देखील पावसाची शक्यता व्यक्त केली आहे. त्याचबरोबर आजपासून पुढील तीन दिवस पहाटे धुक्याची शक्यता आहे. चार दिवस पहाटेच्या दरम्यान थंडी पडल्यानंतर रविवारपासून वातावरणात बदल झाला. अरबी समुद्रात पावसाळी वातावरण निर्माण झाले, त्याचबरोबर दक्षिण कर्नाटकात केरळपासून सर्वत्रच पावसाचे ढग जमलेले आहेत. पाऊस उत्तरेच्या दिशेने सरकल्याने सोमवारी गोव्यात पाऊस पडला. गोव्याच्या बाजूला असलेल्या बेळगावमध्ये पावसाने सोमवारी झोडपून काढले. गोव्यात सत्तरी, सांखळी, डिचोली, मुळगाव तसेच दोडामार्ग आदी भागात तुरळक ते जोरदार पाऊस पडला. आजही वातावरणात हिच परिस्थिती असल्याने गोव्यात आज सर्वत्र पावसाची शक्यता हवामान खात्याने दिली. उत्तर गोव्यात ज्या ठिकाणी पाऊस पडला तिथे सर्वत्र विजांचा लखलखाट होता. आजही गोव्यात ढगांच्या गडगडाटासह मध्यम तथा हलक्या स्वऊपाच्या पावसाची शक्यता हवामान खात्याने व्यक्त केली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
