गोव्यात अनेक भागात पाऊस

पणजी : गोव्यात गुरुवारी दुपारपासून अनेक भागात गडगडाटासह जोरदार पाऊस पडला. उत्तर गोव्यात सांखळी, होंडा, पर्ये, वाळपई आदी भागात जोरदार पाऊस पडला. सायंकाळी पणजीत देखील काळ्याकुट्ट ढगांनी अंधारून आलेले होते. मात्र पाऊस पडला नाही. हवामान खात्याने गुरुवारी दुपारीच जोरदार पावसाचा इशारा जाहीर करुन यलो अलर्टही जारी केला होता. आजपासून 16 ऑक्टोबरपर्यंत गोव्यात सर्वत्र तुरळक पावसाच्या सरी पडतील, असा अंदाज दिला आहे. बुधवारी दुपारी पावसाने सांखळीत हजेरी लावली होती. गुऊवारी दुपारी जोरदार पाऊस पडला. अनेक भागातील तापमान बरेच वाढलेले होते.