कोल्हापूर प्रतिनिधी
कोल्हापुरातील ग्रामपंचायत निवडणुकीच्या मतदानाला रविवारी सकाळी साडेसात वाजता सुरुवात झाली आहे. पण यादरम्यान दक्षिण मतदार संघातील चिंचवाड मतदार केंद्रावर तणाव निर्माण झाला आहे. यावेळी केंद्रावर मतदान बूथच्या आतमध्ये दोन उमेदवार प्रतिनिधी एकमेकाला भिडले. त्या दोघांमध्ये जोरदार शिवीगाळ आणि एकमेकांच्या अंगावर धावून जात राडा झाला.
जिल्ह्यातील ७४ ग्रमपंचायतींसाठी मतदान होणार असून १२ ग्रामपंचायतींमधील पोटनिवडणुकीसाठीही मतदान होणार आहे. कोल्हापूर दक्षिण विधानसभा मतदारसंघात चिंचवाड हे गाव येत. या गावात महाडिक आणि सतेज पाटील गट एकत्र येवून पॅनल उभे केले आहेत आणि त्यांच्या विरोधात याच गटातील नाराजांनी अपक्ष पॅनेल उभे केले आहे. त्यामुळे या गावातील निवडणुक अत्यंत अटीतटीची आणि चुरशीची बनली आहे.
