राज्यस्तरीय टे.टे. स्पर्धेत आर.एल.लॉ. उपविजेता

बेळगाव : बेंगळूर येथे शेषाद्रीपूरम लॉ महाविद्यालय आयोजित आंतर लॉ राज्यस्तरीय टेबल टेनिस स्पर्धेत बेळगावच्या आर. एल. लॉ महाविद्यालय संघाला अंतिम सामन्यात उपविजेत्या पदावर समाधान मानावे लागले. बेंगळूर येथे आयोजित केलेल्या या स्पर्धेत बेळगावच्या केएलएस राजा लखन गौडा लॉ महाविद्यालय मुलींच्या टेबल टेनिस संघाने अंतिम फेरीत धडक मारली. पण अंतिम सामन्यात बेंगळूरच्या महाविद्यालयाकडून 3-2 अशा सेटमध्ये पराभव झाला. त्यामुळे आर. एल. लॉ महाविद्यालय संघाला उपविजेते पदावर समाधान मानावे लागले. या संघात मृणाल कामत, निधा विजापूर व उज्वला हवालदार या टेबल टेनिस खेळाडूंनी उत्तम खेळाचे प्रदर्शन करुन अंतिम फेरीत मजल मागली होती. या स्पर्धेत लॉ विद्यापीठाच्या 18 महाविद्यालयीन संघांनी भाग घेतला होता. या विजेत्या खेळाडूंना संस्थेचे चेअरमन एम. आर. कुलकर्णी, प्राचार्य डॉ. ए. एस. हवालदार, जिमखाना चेअरमन डॉ. प्रसन्नकुमार,क्रीडा प्राध्यापक अमित जाधव यांच्या हस्ते या खेळाडूंचा खास गौरव करण्यात आला.