सणासुदीच्या दिवसात गोडधोड करण्याची पद्धत असते.मिठाईचे वेगवेगळे प्रकारही घरी बनवले जातात. पण आज आपण एक झटपट आणि तोंडात टाकताच विरघळणारी बर्फी कशी करायची हे जाणून घेणार आहोत.ही रेसिपी अगदी कमी साहित्यात देखील तयार होते. तसेच अगदी सोपी देखील आहे.
साहित्य
१ नारळ
साखर
अर्धा कप दूध
एक चमचा तूप
वेलदोडे पूड
ड्रायफ्रुटस
कृती
प्रथम नारळ खवणून घ्यावा. त्यानंतर एका कढईमधे १ चमचा तूप घाला. त्यामध्ये किसलेला नारळ घालावा. जेवढी वाटी खोबऱ्याचा किस असेल त्याच्या पाऊण वाटी साखर त्यामध्ये घालावी.तसेच त्यामध्ये वेलची पूड आणि अर्धा कप दूध (दुधाची साय वापरली तरी चालेल)घालून त्याचा गोळा होईपर्यंत सर्व मिश्रण हलवत राहायचं आहे.यावेळी गॅस मंद आचेवर असायला हवा. मिश्रणाचा गोळा झाल्यानंतर एका प्लेट ला तूप लावून घ्यावे. आणि त्यामध्ये मिश्रण घालून एकसारखं प्लेन करून घ्यावे.मिश्रण गरम असतानाच त्याच्या चाकूने वड्या करून घ्याव्यात.तुम्हाला जर हवे असतील तर ड्रायफ्रुटसही यावर तुम्ही लावू शकता.तुम्ही देखील ही रेसिपी एकदा नक्की ट्राय करून पहा.
