सुवर्ण कर्नाटक गाणिग समाजाची मागणी
बेळगाव : कर्नाटक खाण विकास निगम मंडळाला 2023 मधील अर्थसंकल्पात देण्यात आलेल्या अनुदानाची तातडीने अंमलबजावणी करा व पुढील अर्थसंकल्पात 200 कोटी रुपये अनुदान मंजूर करा, या मागणीसाठी सुवर्ण कर्नाटक गाणिग संघटनेतर्फे बुधवारी विधानसौध परिसरात आंदोलन छेडण्यात आले. खाण समाजाच्यावतीने कर्नाटक खाण विकास महामंडळाची स्थापना करण्यात आली आहे. मात्र, खाण समाज आर्थिक, शैक्षणिक, राजकीयदृष्ट्या मागासलेला आहे. अशा परिस्थिती उदरनिर्वाह करणे अडचणीचे आहे. याबाबत अनेकवेळा सरकारला निवेदने देऊन जागे करण्यात आले आहे. यासाठी येत्या अर्थसंकल्पात खाण विकास महामंडळासाठी 200 कोटीचे अनुदान देण्यात यावे, अशी मागणी आंदोलनकर्त्यांनी केली आहे.
