राज्य क्रीडा संघटनांना अनुदान द्या

बेळगाव : इतर राज्यांप्रमाणे राज्य खो-खो संघातील खेळाडूंना अनुदान द्या, यासह खो-खो खेळाडूंना इतर सोयीसुविधा पुरवा अशी मागणी बेळगाव जिल्हा खो-खो असोसिएशनतर्फे करण्यात आली आहे. याबाबतचे निवेदन अप्पर जिल्हाधिकारी विजयकुमार होनकेरी यांच्याकडे दिले आहे. कर्नाटक राज्य खो-खो संघटनेने मागील 75 वर्षांपासून अनेक खेळाडू तयार केले आहेत. शिवाय राष्ट्रीय स्तरावर हे खेळाडू चमकले आहेत. यासाठी अधिकृत राज्य क्रीडा संघटनांना अनुदान देण्याची प्रणाली लागू करण्यात यावी, अशी मागणी निवेदनाद्वारे करण्यात आली आहे.