शहापूरला आंबिल गाड्यांची मिरवणूक उत्साहात

बेळगाव : शहापूर येथील आंबिल गाड्यांची मिरवणूक सोमवारी निघाली. ढोल, ताशा व सनईचे वादन, गुलालाची उधळण, हर हर महादेव व जोतिबाच्या नावानं चांगभलंचा गजर करत ही मिरवणूक निघाली. यावेळी पावसाने झोडपल्याने मिरवणूक गल्लीतून निघण्यास वेळ लागला. या मिरवणुकीमध्ये शहापूर भागातील 12 ते 14 आंबिल गाडे सहभागी झाले होते. बसवाण्णा मंदिरच्या पुजाऱ्यांनी प्रत्येक बैलगाडीच्या जोडीचे पूजन करून मालकाचा फेटा व श्रीफळ देऊन सत्कार केला. याप्रसंगी बसवाण्णा मंदिरचे ट्रस्टी उपस्थित होते.