जगन्नाथ रथ यात्रेनिमित्त शहापुरात मिरवणूक

बेळगाव : जगन्नाथपुरी येथे जून किंवा जुलै महिन्यामध्ये जगन्नाथ रथयात्रा काढली जाते. यावेळी भगवान श्रीकृष्ण, बलराम व सुभद्रा यांच्या प्रतिमांची मिरवणूक काढली जाते. हेच औचित्य साधून शहापूर येथेही शुक्रवारी मिरवणूक काढली. जगन्नाथ मंदिरापासून तीन कि. मी. अंतरावर असलेल्या गुंडीचा मंदिर येथे आपल्या मावशीला भेट देण्यासाठी भगवान जातात, अशी यामागे श्रद्धा आहे. नऊ दिवसानंतर परतीची यात्रा सुरू होते. शहापूर येथेही रथामध्ये श्रीकृष्ण, बलराम व सुभद्रा यांच्या प्रतिमा ठेवून रथयात्रा काढण्यात आली. यामध्ये बहुसंख्य भाविक सहभागी झाले होते.