वास्कोतील अन्बिटेबलच्या स्पर्धेचे बक्षीस वितरण

वास्को : वास्कोतील अन्बिटेबल नृत्य अकादमीतर्फे आयोजित केलेल्या ‘सेल्फी विथ बाप्पा’ स्पर्धेचा बक्षीस वितरण समारंभ नुकताच हेडलॅण्ड-सडा येथील श्री ईस्वटी ब्राह्मण लक्ष्मी नारायण देवालयाच्या सभागृहात पार पडला. या स्पर्धेचे विजेतेपद स्नेहा शेटगांवकर हिने पटकावले. स्पर्धेचे उपविजेतेपद मानसी रजनी हिला प्राप्त झाले. इंस्टाग्रामवरील प्रेक्षकांचा आवडता सेल्फी म्हणून पल्लवी राव, खास बक्षीस किरण बांदोडकर व स्वाती जैसवार तर सर्वात युवा सहभागी स्पर्धक म्हणून परेश वालावलकर व काव्या केवट यांची निवड करण्यात आली. गोंडस मॉडेल म्हणून कैवल्या वालावलकर, श्रेयन उदईकर, त्रिपुरा सेठी, साधवी शेटगावकर व वन्या सातार्डेकर यांना बक्षिसे प्रदान करण्यात आली. बक्षीस वितरण समारंभाला प्रमुख पाहुणे म्हणून नगरसेवक सुदेश भोसले उपस्थित होते. सन्माननीय अतिथी म्हणून समाजसेवक सुदीप धारगळकर उपस्थित होते. यावेळी व्यासपीठावर सल्लागार महेश गोवेकर, अकादमीचे संस्थापक तुषार वळवईकर, संचालक रेखा वळवईकर व संध्या वळवईकर उपस्थित होत्या. पाहुण्यांच्या हस्ते विजेत्या स्पर्धकांना बक्षिसे प्रदान करण्यात आली. प्रमुख पाहुणे सुदेश भोसले व सन्माननीय अतिथी सुदीप धारगळकर यांनी विजेत्या स्पर्धकांचे कौतुक केले. प्रारंभी तुषार वळवईकर यांनी सर्वांचे आभार मानले.