कवळे सरस्वती विद्यालयाचे बक्षिस वितरण

सावईवेरे : कवळे येथील श्री सरस्वती पुर्व प्राथमिक व प्राथमिक विद्यालयाचा बक्षिस वितरण सोहळा नुकताच विद्यालयाच्या सभागृहात उत्साहात पार पडला. या सोहळ्याच्या संपुर्ण कार्यक्रमाची जबाबदारी इयत्ता चौथीच्या विद्यार्थ्यांनी यशस्वीपणे पेलली. यावेळी प्रमुख पाहूणे म्हणून अमेय उच्च माध्यमिक विद्यालयाचे शिक्षक सुभाष जाण,़श्री सरस्वती ज्ञानप्रसारक संस्थेचे उपाध्यक्ष उदय कवळेकर, प्राचार्य सरीता परब, हायस्कूलचे मुख्याध्यापक सुदेश पारोडकर, मुख्याध्यापिका माधवी कपिलेश्वरकर व पालक शिक्षक संघाचे अध्यक्ष दिलीप नाईक उपस्थित होते. यावेळी बोलताना सुभाष जाण म्हणाले की राष्ट्रीय नवीन शैक्षणिक धोरणात पायाभूत शिक्षणावर म्हणजे पुर्व प्राथमिक व प्राथमिक शिक्षणावर खूप भर व महत्व दिले आहे. लहान मुले ही आपल्या अत:करणातून व बुद्धितून आपोआप स्वत:हून शिकत असतात. फक्त या मुलांना शिकण्यासाठी आनंदमय वातावरण निर्माण करण्याची मोठी जबाबदारी पालक व शिक्षकांची असते. आई नावाचे आद्य विद्यापीठ पुर्नस्थापित झालं तरच भावी पिढी संस्कारक्षम होईल असेही ते म्हणाले.विद्यार्थ्यांच्या प्रार्थनेने कार्यक्रमाची सुरूवात झाली. मुख्याध्यापिका माधवी कपिलेश्वरकर यांनी स्वागत केले. यानंतर विविध शैक्षणिक व क्रीडा स्पर्धातील विजेत्या विद्यार्थ्यांना बक्षिसे देण्यात आली. कु. दर्श नाईक, भार्गव नाईक, म्रिदीनी नाईक, साई नाईक,रोशन दळवी, इशांत नाईक, सृष्टी नाईक या विद्यार्थ्यांना बक्षिसे प्राप्त मुलांची नावे सादर केली. संपुर्ण कार्यक्रमाचे सुत्रसंचालन मोक्षदा पाटील यांनी केले. सृष्टी नाईक यांनी आभार मानले.