दीपविहार उच्च माध्यमिक विद्यालयाचा बक्षीस वितरण समारंभ

वास्को : हेडलॅण्ड-सडा येथील दीपविहार उच्च माध्यमिक विद्यालयात दिपनामिक्स 3.0 या या स्पर्धेचे बक्षीस वितरण करण्यात आले. समारंभाला डॉ. नियान मारशोन प्रमुख पाहुणे म्हणून उपस्थित होते. यावेळी व्यासपीठावर विद्यालयाचे व्यवस्थापक संजय बाणावलीकर, प्राचार्य मृणल कोरगांवकर, प्रा. मारीया डायस, प्रा. सोनम नाईक, प्रा. विद्या गावडे उपस्थित होत्या. यावेळी नियान मारशोन यांनी मार्गदर्शन केले. संजय बाणावलीकर यांनी विद्यार्थ्यांकडून होत असलेले प्रयोग प्रशंसनीय असून त्यांना शिक्षकांकडून मिळत असलेले मार्गदर्शन महत्वाचे असल्याचे सांगितले. प्राचार्य मृणल कोरगांवकर यांनी सर्वांची स्तुती केली. यावेळी प्रा. सुनील शेट यांचेही भाषण झाले. या स्पर्धेतील विविध विजयी विद्यालयातील विद्यार्थ्यांना मान्यवरांच्याहस्ते बक्षिसे प्रदान करण्यात आली. या दिपनामिक्सचे यंदा अंजिक्यपद सडा येथील मुरगांव हायस्कूलला प्राप्त झाले. कार्यक्रम समन्वयक प्रा. सोनम नाईक व प्रा. विद्या  गावडे यांनी या कार्यक्रमासाठी विशेष परिश्रम घेतले. सोनम नाईक यांनी उपस्थितांचे स्वागत करून कार्यक्रमाचा उद्धेश स्पष्ट केला. मारीया डायस यांनी पाहुण्यांची ओळख करून दिली. प्रा. शुभला नाईक बर्डे यांनी आभार मानले.