गोवावेस कोरे गल्ली मंडळातर्फे बक्षीस वितरण

बेळगाव : गोवावेस कोरे गल्ली शहापूर येथील सार्वजनिक गणेशोत्सव मंडळाच्यावतीने चित्रकला, हस्ताक्षर व निबंध स्पर्धेचे आयोजन करण्यात आले होते. या स्पर्धेतील विजेत्यांना बक्षीस वितरण करण्यात आले. या कार्यक्रमाला प्रमुख पाहुणे म्हणून उद्योजक अमर अकनोजी, संतोष लठ्ठे उपस्थित होते. कार्यक्रमाच्या अध्यक्षस्थानी मंडळाचे अध्यक्ष सुधाकर भांदुर्गे होते. प्रारंभी गणेशोत्सव मंडळाचे सरचिटणीस रणजीत हावळाण्णाचे यांनी प्रास्ताविक केले. स्पर्धेतील विजेत्यांना स्मृतिचिन्ह, प्रशस्तीपत्रक देऊन सन्मानित करण्यात आले. यावेळी सुरेश बोकडे, कल्लाप्पा हंडे, पुंडलिक मंडोळकर, महेश पाटील, रोहित वायचळ, विजय डम, रोहन नेसरीकर, सुशांत कुरंगे यासह इतर उपस्थित होते.