पंतप्रधानांनी सर्वधर्म समभावचा सलोखा दाखवून दिला : लोबो

म्हापसा ; गुडफ्रायडे या प्रभू येशू ख्रिस्ताच्या बलिदानानंतर तिसऱ्या दिवशी त्यांचे झालेले पुनरुज्जीवनही इतिहासात कायम टिकून गोष्ट आहे. संपूर्ण जगात हा दिवस इस्टर संटे म्हणून साजरा केला जातो. या निमित्ताने आपल्या लोकशाही प्रधान देशाचे पंतप्रधान नरेंद्र मोदी यांनी दिल्लीतील कोथेड्रल चर्चला भेट देत तेथे उपस्थित ख्रिस्ती समाजासमवेत हा दिवस साजरा केला. ही गोष्ट भारतीय ख्रिस्ती समाजासाठी भूषणावह अशी असून इतिहासात कायम कोरून राहणारी आहे. पंतप्रधानांनी यातून सर्वधर्म समभावचा सलोखा दाखवून दिला आहे, असे प्रतिपादन कळंगूटचे आमदार मायकल लोबो यांनी पत्रकारांशी बोलताना केले. स्वतंत्र देशाच्या इतिहासात प्रथमच पंतप्रधान नरेंद्र मोदी यांनी इस्टर संडे सारख्या कार्यक्रमात सहभागी होऊन ख्रिस्ती समाजाचे मनोबल उंचावले आहे. गोमंतकीय तसेच भारतीय ख्रिस्ती समाजावतीच्या वतीने आपण गोवा विधानसभेचा आमदार या नात्याने पंतप्रधान नरेंद्र मोदी यांचे अभिनंदन तसेच आभार मानत असल्याचे आमदार लोबो यांनी सांगितले.