भारतीय सेपाक टकरॉ संघाचे पंतप्रधान मोदींकडून अभिनंदन

नवी दिल्ली : नुकत्याच घेण्यात आलेल्या 2025 च्या सेपाक टकरॉ विश्वचषक स्पर्धेत 7 पदकांची कमाई करणाऱ्या भारतीय सेपाक टकरॉ संघाचे पंतप्रधान नरेंद्र मोदी यांनी खास अभिनंदन केले आहे. सेपाक टकरॉ या क्रीडा प्रकारामध्ये व्हॉलीबॉल, फुटबॉल आणि मार्शल आर्ट्स यांचे मिश्रण असते. या क्रीडा प्रकारामध्ये भारताच्या संघाने एकूण 7 पदकांची कमाई केली. भारतीय सेपाक टकरॉ रेगु संघाने पहिले सुवर्ण पदक पटकाविले. सेपाक टकरॉ या खेळाचे उगमस्थान दक्षिण-मध्य आशियामध्ये असून या क्रीडा प्रकाराला आता जागतिक स्तरावर चांगलीच प्रसिद्धी मिळत आहे. 2025 ची सेपाक टकरॉ विश्वचषक स्पर्धा पाटण्यातील इनडोअर स्टेडियमध्ये घेण्यात आली.