पणजी : गोवा राज्य सहकारी संघाच्या अध्यक्षपदी तातडीने नेमणूक करण्यात यावी आणि 15 दिवसात नवीन संचालक मंडळासाठी निवडणूक घेण्याचा आदेश मुंबई उच्च न्यायालयाच्या गोवा खंडपीठाने दिला आहे. संघाच्या अध्यक्षाविरोधात अविश्वास ठराव संमत झाला असताना तो बारगळला असा निकाल सोसायटी निबंधकांनी दिल्याने संतापलेल्या काही संचालकांनी उच्च न्यायालयात धाव घेऊन त्या निकालास आव्हान दिले होते. त्यावर सुनावणी केल्यानंतर खंडपीठाने वरीलप्रमाणे आदेश दिला आहे. सध्या संघावरील संचालकांची बैठक बोलावून त्यातील एक पात्र असलेल्याची अध्यक्ष म्हणून निवड करावी अशी सूचना न्यायालयाने केली आहे. अविश्वास ठरावावर चर्चेसाठी निबंधकांनी बैठक बोलावली खरी परंतु चार संचालकांना मतदान करण्यापासून वंचित ठेवले. नंतर ठराव बारगळला असे सांगितले. त्यास आव्हान देणारी याचिका सुनावणीस आली तेव्हा संघाच्या प्रतिदिन कामकाजासाठी अध्यक्षांची गरज लागणार असल्याने तात्पुरती नेमणूक तातडीने करण्यास खंडपीठाने बजावले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
