राष्ट्रपती द्रौपदी मुर्मू आज गोव्यात

वास्को : राष्ट्रपती द्रौपदी मुर्मू यांचे आज गुरुवारी कर्नाटकच्या दौऱ्यानिमित्त अल्पकाळासाठी गोव्यात आगमन होणार आहे. आज सकाळी त्यांचे दिल्लीहून गोव्यात आगमन होईल. दाबोळीतील आयएनएस हंस तळावर त्यांचे गोव्यातर्फे स्वागत होईल. दाबोळीत उतरल्यानंतर राज्यपाल पी. एस. श्रीधरन पिल्लई, मुख्यमंत्री डॉ. प्रमोद सावंत, शिष्टाचारमंत्री माविन गुदिन्हो राष्ट्रपतींचे स्वागत करणार आहेत. नंतर त्या कारवारमधील नौदलाच्या सी बर्ड तळाकडे रवाना हेतील. तेथे त्या आयएनएस विक्रमादित्य जहाजाला भेट देतील. विक्रमादित्यवरील कार्यक्रम आटोपून त्या पुन्हा हवाईमार्गे दाबोळीच्या हंस तळाकडे संध्याकाळी परततील व पुन्हा दिल्लीला रवाना होतील