साईराज फुटबॉल स्पर्धेची तयारी अंतिम टप्प्यात

बेळगाव : साईराज स्पोर्टस क्लब आयोजित 11 व्या निमंत्रितांच्या साईराज चषक फुटबॉल स्पर्धेत 16 परराज्याचे तर 12 स्थानिक संघानी भाग घेतला असून स्पर्धेसाठी मैदान सज्ज करण्यात आले आहे. सुभाषचंद्र लेले मैदानावरती आयोजित साईराज चषक निमंत्रितांच्या आंतरराज्य फुटबॉल स्पर्धेची तयारी अंतिम टप्प्यात आली असून स्पर्धेत परराज्यातील 16 संघानी तर स्थानिक 12 संघाना निमंत्रित केले आहे. या स्पर्धेत एनापोहा मंगळूर, दिलबहार कोल्हापूर, सिग्नमेय एफसी पुणे, माहीरा एफसी केरळ, तनय स्पोर्टींग के. आर. शेट्टी वास्को, अप्पा एफसी, एवायएम अनगोळ, बाल गोपाळ कोल्हापूर, मराठा स्पोर्टस मुंबई, किसन कंग्राळकर पीटीएम कोल्हापूर, डीजे बाईज मुंदगोड, लिव्होएफसी धारवाड, श्री शिवाजी तरूण मंडळ कोल्हापूर, बुफा राऊल्स, के आर. शेट्टी, बीटाएफसी पुणे व एसएएफसी केरळ आदी बाहेरील संघानी स्पर्धेत सहभाग घेतला आहे. त्याचप्रमाणे बेळगावतील स्थानिक संघानीही भाग घेतला असून बुफाएफसी, ब्रदर्स एफसी, इनफीनीटी बेळगाव, साईराज युएफसी बेळगाव, मजर युनायटेड, स्वस्तकी एफसी, फॅन्को एफसी, किंग्स युनायटेड, फास्ट फारर्वड, रेग एफसी, जगजंपी बजाज एफसी आदी संघाचा समावेश आहे. 21 नोव्हेंबरपासून सुरू होणाऱ्या स्पर्धेसाठी मैदानाची तयारी अंतिम टप्प्यात आली आहे. आज मैदानावरती बुल्डोजर लाऊन सपाटीकरण केले. पुढील काही दिवसात प्रेक्षकांना बसण्यासाठी गॅलरीची व्यवस्था करण्यात येईल.