प्रणव गडकरीला रौप्यपदक

उचगाव : उचगावचा उदयोन्मुख मल्ल प्रणव राजू गडकरीने नुकत्याच सार्वजनिक शिक्षण खात्याच्या वतीने घेण्यात आलेल्या राज्यस्तरीय कुस्ती स्पर्धेत फ्री स्टाईल प्रकारात 92 किलो वजन गटात रौप्यपदक पटकावले आहे. या यशाबद्दल त्याचे सर्वत्र अभिनंदन करण्यात येत आहे. कंग्राळी खुर्द येथील बाल हनुमान व्यायामशाळा येथे भाऊ पाटील, रोहित पाटील यांच्या मार्गदर्शनाखाली तो सराव करतो. तसेच आपटेकर स्पोर्ट्स फाउंडेशनतर्फे त्याला मार्गदर्शन आणि प्रोत्साहन मिळत असून त्याचे कौतुक होत आहे.