प्रमोदा देवी वडेयर यांना म्हैसूर दसऱ्याचे अधिकृत निमंत्रण

बेंगळूर : म्हैसूरचे जिल्हा पालकमंत्री एच. सी. महादेवप्पा यांनी यदुवंशाच्या प्रमोदा देवी वडेयर यांना जगप्रसिद्ध म्हैसूर दसऱ्याचे अधिकृत निमंत्रण दिले आहे. राजघराण्यातील प्रमोदा देवी वडेयर यांना मानधन देऊन 22 सप्टेंबरपासून सुरू होणाऱ्या जगप्रसिद्ध दसऱ्यासाठी आमंत्रित करण्यात आले आहे. यावेळी बोलताना मंत्री म्हणाले की, यदुवंशाकडून दसऱ्याला कधीही कोणताही आक्षेप घेण्यात आला नाही. यदुवंश नेहमीच प्रत्येक दसऱ्याला सहकार्य करत आला आहे. यावेळीही दसऱ्याला चांगले सहकार्य केले जाईल असे प्रमोदा देवी वडेयर यांनी सांगितले आहेत. प्रमोदा देवी यांनी गेल्यावेळी झालेल्या काही गोंधळांकडे जिल्हा प्रशासनाचे लक्ष वेधले आहेत. तसेच त्यांनी काही सूचनाही दिल्या आहेत, असे मंत्री एच. सी. महादेवप्पा यांनी सांगितले.