बेळगाव : सततच्या पावसामुळे शहरात सर्वत्रच रस्त्यामध्ये खड्डे पडले आहेत. फोर्ट रोड येथून तानाजी गल्ली रेल्वेगेटपर्यंतच्या रस्त्याची अक्षरश: चाळण झाली आहे. त्यामुळे वाहने चालविणेही जीवघेणे ठरत आहे. ठिकठिकाणी खड्डे आणि त्यामध्ये साचलेले पाणी असे कांहीसे चित्र दिसून येत आहे. देशपांडे पेट्रोलपंप शेजारी रस्त्यावरच भला मोठा खड्डा पडला आहे. या खड्ड्यामध्ये सध्या पाणी साचले आहे. या परिसरात दररोज शेकडो वाहनचालकांची ये-जा असते. वाहनांची दुरुस्ती तसेच ऑटोमोबाईल स्पेअरपार्ट दुकानांची संख्या या परिसरात अधिक असल्यामुळे वर्दळ अधिक आहे. परंतु रस्त्याची दुर्दशा झाल्यामुळे वाहने चालविणे अवघड झाले आहे. तानाजी रेल्वेगेट कायमस्वरुपी बंद करण्यात आल्यामुळे या रस्त्याकडे महानगरपालिकेने पूर्णत: दुर्लक्ष केले आहे. गणेशोत्सव अवघ्या महिन्याभरात आला असल्याने त्यापूर्वी रस्त्याच्या दुरुस्तीचे काम पूर्ण करण्याची मागणी वाहनचालकांतून केली जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
