नवे शैक्षणिक धोरण पुढे ढकलणे योग्य : सरदेसाई

पणजी : नवे शैक्षणिक धोरण लागू करण्यासाठी वेळ हवी म्हणून  एक महिन्याने पुढे नेण्यात येत असल्याचे शिक्षण सचिव प्रसाद लोलयेकर यांनी म्हटले आहे मात्र एक महिन्यात काही होणार नसून विद्यार्थांच्या पॅरिअरशी खेळ मांडण्याऐवजी ते पुढे ढकलणे योग्य ठरेल असे मत गोवा फा?रवर्ड पक्षाचे अध्यक्ष फातोर्डाचे आमदार विजय सरदेसाई यांनी व्यक्त केले. फातोर्डातील नाले साफसफाई कामाचा शुभारंभ करण्यासाठी आले असता पत्रकारांनी राष्ट्रीय नवीन क्षैक्षणिक धोरणासंदर्भात त्यांचे मत जाणले असता त्यानी वरील प्रतिक्रिया व्यक्त केली. विधानसभा अधिवेशनात जेणेकरून विरोधी बाकांवरील आमदारांनी नवीन राष्ट्रीय क्षैक्षणिक धोरण राबविण्यासाठी सरकारची तयारी पूर्ण न झाल्यास ते यावषी लागू न करता पुढे ढकलण्यास सूचित केले होते याकडे सरदेसाई यांनी लक्ष वेधले. शिक्षण सचिव लोलयेकर एक चांगले अधिकारी असले तरी त्यांनी या पदाचा ताबा नुकताच घेतला असल्याने तसेच त्यांनी नवीन धोरण अमलांत आणण्यासाठी श्वास घेण्यास वेळ मिळणे आवश्यक असल्याचे म्हटल्याने सरकारची तयारी झाली नसल्याचे त्यातून निष्पन्न होत असल्याचे सरदेसाई म्हणाले. जुलै मध्ये शाळा पुन्हा सुरू करण्यात येणार असल्याचे सांगण्यात येत असले तरी या एका महिन्यात सर्व शिक्षकांना  सर्व अभ्यासक्रम कसा शिकविणार मग विद्यार्थी आणि त्यांच्या पालकांचे काय ते या धोरणासाठी तयार आहेत काय? हे सरकारने जाणून घेतले आहे काय असे सवाल सरदेसाई यांनी केले. गोव्यातील संस्कृती आणि अन्य बाबी अभ्यासक्रमात समाविष्ट करण्यासाठी सामंत समिती नियुक्त केली होती या समितीने सहा महिन्यांसाठी मुदतवाढ मागितली आहे अशाने अभ्यासक्रम पूर्ण नसताना धोरण राबविणे कसे शक्मय आहे असे सरदेसाई म्हणाले.  सर्व प्रमुख भागधारक–शाळा, पालक, शिक्षक आणि विद्यार्थी—सरकारने अंमलबजावणीत घाई करू नये, याची पूर्वतयारी लक्षात घेऊन, त्यांनी सावध केले आणि ते पुढे म्हणाले की, आधारस्त?भ असलेल्या मुलांच्या भविष्याचे रक्षण करण्यासाठी पद्धतशीर दृष्टीकोन आवश्यक आहे.  आमच्या समाजाचा.  या सर्व भागधारकांची पुरेशी तयारी आणि त्यांच्या भीती आणि शंका पूर्णपणे दूर झाल्याची खात्री केल्यानंतरच नवीन शैक्षणिक धोरण लागू करणे आवश्यक आहे, अशी मागणी सरदेसाई यांनी केली.