सनी देओलचा पुत्र राजवीर ठेवणार बॉलिवूडमध्ये पाऊल
जान्हवी कपूरपासून सारा अली खान अन् अनन्या पांडे यांच्यासह अनेक स्टार किड्सने कित्येक वर्षांपूर्वी बॉलिवूडमध्ये पाऊल ठेवले आहे. या यादीत सना देओलचा ज्येष्ठ पुत्र करणचे नाव सामील आहे. करणने 2019 मध्ये ‘पल-पल दिल के पास’ या चित्रपटातून बॉलिवूडमध्ये पाऊल ठेवले होते.
करणने याचबरोबर अनेक चित्रपटांमध्ये काम केले, परंतु त्याला फारसे यश मिळालेले नाही. करणनंतर आता सनीचा कनिष्ठ पुत्र राजवीर हा राजश्री प्रॉडक्शनकडून निर्मित ‘दोनों’ चित्रपटामधून बॉलिवूडमध्ये पदार्पण करणार आहे. ‘दोनों’ चित्रपटाची घोषणा यापूर्वीच करण्यात आली आहे. ‘दोनों’ चित्रपटातून सूरज बडजात्या यांचा पुत्र अविनाश हा बॉलिवूडमध्ये पाऊल ठेवाणार आहे.
या चित्रपटाचे पोस्टर शेअर करत जियो स्टुडिओने ‘ही एका नव्या सुरुवातीची सुरुवात आहे’ असे नमूद पेले आहे. या चित्रपटाचा टीझर लवकरच प्रदर्शित केला जाणार आहे.
या चित्रपटात राजवीरची नायिका म्हणून प्रसिद्ध अभिनेत्री पूनम ढिल्लों यांची कन्या पलोमा दिसून येणार आहे. पलोमा देखील याच चित्रपटातून बॉलिवूडमध्ये पदार्पण करणार आहे. या चित्रपटाचे चित्रिकरण मागील वर्षी जुलै महिन्यात सुरू झाले होते.
