बेळगाव : बेळगाव रेल्वेस्थानकाजवळ एक वयोवृद्ध व्यक्ती पावसात पूर्णपणे भिजली होती. त्यांना चालताही येत नव्हते. त्या व्यक्तीला सामाजिक कार्यकर्ते तसेच पोलिसांनी मदत केली. रेल्वेस्थानक येथे रविवारी एक असाहाय्य वयोवृद्ध व्यक्ती भरपावसात बसली होती. ती व्यक्ती पूर्णपणे भिजलेली होती आणि वयोवृद्ध असल्याने त्याला चालताही येत नव्हते. ही माहिती सामाजिक कार्यकर्ते श्रीकांत चिवटे तसेच कॅम्प पोलीस ठाण्यातील पोलीस कर्मचारी व पी. टी. पम्मार यांनी त्या ठिकाणी धाव घेतली. यावेळी त्या निराधार वयोवृद्धाला श्रीकांत चिवटे यांनी आपल्याकडील गरम जॅकेट घालण्यास दिले आणि त्यांना संपूर्ण कपडे घालून त्यांना पुढील उपचारासाठी बेळगाव जिल्हा रुग्णालयात दाखल करण्यात आले. पावसात भिजलेल्या अवस्थेत आणि थंडीत कुडकुडत बसलेल्या उठताही न येणाऱ्या या वयोवृद्ध व्यक्तीच्या मदतीला पोलीस कर्मचारी व सामाजिक कार्यकर्ते धावून आले व त्यांनी मदतीचा आधार दिला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
