बेळगाव : जिल्हा पोलीस खात्याच्यावतीने वार्षिक क्रीडा स्पर्धा 2024 चालना देण्यात आली. जिल्हा पोलीस कवायत मैदानावर मंगळवार दि. 3 रोजी मान्यवरांच्या उपस्थितीत क्रीडा स्पर्धांना प्रारंभ झाला. पोलीस आयुक्त यडा मार्टिन मार्बन्यांग यांच्या हस्ते स्पर्धांना सुरुवात करण्यात आली. यावेळी व्यासपीठावर अतिरिक्त जिल्हा पोलीस प्रमुख श्रृती आणि आर. बी. बसरगी, जिल्हा सशस्त्र दलाचे जिल्हा पोलीस प्रमुख अशोक झुंबरवाडे आदी उपस्थित होते. यावेळी प्रमुख अतिथी म्हणून उपस्थित असलेले पोलीस आयुक्त यडा मार्टिन मार्बन्यांग म्हणाले, पोलीस खात्यात क्रीडा स्पर्धांना अनन्य साधारण महत्त्व आहे. पोलीस खात्यात काम करत असताना अधिकारी व कर्मचाऱ्यांवर सातत्याने कामाचा ताण असतो. त्यामुळे अशा क्रीडा स्पर्धांमध्ये सर्वांनी भाग घेतला पाहिजे. क्रीडा स्पर्धांमुळे शारीरिक तसेच मानसिक स्थैर्य लाभते. जिल्ह्यातील वेगवेगळ्या पोलीस ठाण्यात सेवा बजावणाऱ्या अधिकारी व कर्मचाऱ्यांनी या क्रीडा स्पर्धांचा लाभ घ्यावा असे ते म्हणाले. बैलहोंगल, रामदुर्ग, गोकाक, चिकोडी, अथणी त्याचबरोबर महिला पोलीस पथकाने क्रीडा स्पर्धेत भाग घेतला. तत्पुर्वी आकर्षक पथसंचलन पार पडले. यावेळी पोलीस अधिकाऱ्यांनी मानवंदना स्वीकारली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
