प्रतिनिधी,रत्नागिरी
Ratnagiri Crime News : दापोली येथील जंगलमय भागात गस्त घालणाऱ्या पोलीस पथकाने 12 बोअर रायफल आणि 15 जीवंत काढतूसासह 4 चार जणांच्या टोळक्यांला पोलिसांनी पकडले. ही कारवाई शनिवारी रात्री 3 वाजण्याच्या सुमारास मौजे दळखण, दापोली येथे करण्यात आली. पोलिस पथक दळखण दापोली येथील जंगल परिसरात एक संशयास्पद टोयोटा क्वालिस वाहन अंधाराचा फायदा घेत वेगाने पुढे जाताना आढळून आली. ज्याच्या टपावर दोन इसम बसलेले दिसले व त्यामधील एक इसम आपल्या हातात 12 बोअर रायफल घेऊन बसला होतापथकाद्वारे या संशयित वाहनास जागीच थांबवण्यात आले वाहनाची झडती घेण्यात आली. झडती दरम्याने गाडीमध्ये इतर 3 इसम व 12 बोअरची 15 जिवंत काडतुसे सापडली.
धनंजय कुलकर्णी,पोलीस अधीक्षक रत्नागिरी व अपर पोलीस अधीक्षक जयश्री गायकवाड यांच्या मार्गदर्शनाखाली “ऑल आउट ऑपरेशन” राबवण्यात आले ज्यामध्ये प्रामुख्याने रेकॉर्डवरील गुन्हेगार,हॉटेल्स,लॉज,संशयित वाहने इत्यादी रत्नागिरी पोलीसांमार्फत चेक करण्यात येत होती. याच दरम्यान,खेड उपविभागामध्ये नाकाबंदी तपासणी व गस्त घालत असताना दापोली पोलीस ठाणे हद्दीमध्ये वन्यजिवि प्राण्यांची अवैध शिकार करणारी टोळी वाहनासहीत फिरत असल्याची गोपनीय माहिती राजेंद्र मुणगेकर उपविभागीय पोलीस अधिकारी,खेड यांना मिळाली.गोपनीय बातमी समजताच राजेंद्र मुणगेकर उपविभागीय पोलीस अधिकारी,खेड यांच्या मार्गदर्शनाखाली व नेतृत्वाखाली एक पोलीस पथक तयार करण्यात आले ज्यामध्ये दोन पंचांचा देखील समावेश करण्यात आला.
या पथकाद्वारे दापोली येथील जंगलमय भागात गस्त घालण्यात आली व रात्री 3 वा मौजे दळखण, दापोली या ठिकाणी टोयोटा क्वालिस सह अक्षय बळीराम नागळकर (रा. घोडबंदर रोड,भाईंदर ठाणे),योगेश विठ्ठल तुरे (रा.टाळसुरे,दापोली), सचिन कचेर पाटील(रा.दापोडे भिवंडी,ठाणे )व करण उर्फ बंटी शिवाजी ठाकूर (रा.भिवंडी ठाकराचा पाडा,ठाणे) या 4 जणांना ताब्यात घेण्यात आले. त्यांच्याकडून 12 बोअर बनावटीची रायफल, 15 जिवंत काडतुसे व एक टोयोटा क्वालिस वाहन, असा एकूण 3,03,000/- किंमतीचा मुद्देमाल जप्त करण्यात आला आहे.
या चौघांविरोधत गुन्हा दाखल करण्यात आलेला आहे. वरील नमूद चारही आरोपी हे दापोली येथील जंगलातील वन्यजीवी प्राण्यांची अवैध शिकार करण्यासाठी आलेले होते असे प्राथमिक चौकशी दरम्याने निष्पन्न झाले आहे तसेच गुह्याचा अधिक तपास सुरू आहे. ही कारवाई, राजेंद्र मुणगेकर, उपविभागीय पोलीस अधिकारी, खेड, गंगधर, पोलीस उपनिरीक्षक दापोली पोलीस ठाणे एम. एच. केतकर, चालक पोलीस हेड कॉन्स्टेबल व पोलीस कॉन्स्टेबल विनय पाटील यांनी केली.
