रेसकोर्स परिसरात 100 रोपांची लागवड

बेळगाव : ग्रीन सेव्हियर्स व चार्टर्ड अकाऊंटंट असोसिएशन यांच्या संयुक्त विद्यमाने रेसकोर्स परिसरात 100 रोपांची लागवड करण्यात आली. वनमहोत्सव अंतर्गत हा उपक्रम राबविण्यात आला आहे. पर्यावरणाचा समतोल राखावा आणि तापमान कमी व्हावे यासाठी रोप लागवडीवर भर दिला जात आहे. समाधानकारक पावसाला सुरुवात झाल्याने विविध ठिकाणी रोप लागवडीचे काम हाती घेतले जात आहे. रेसकोर्स परिसरात 100 विविध प्रजातीची रोपे लावण्यात आली आहेत. त्यामध्ये वड, पिंपळ, जांभूळ, फणस आदींचा समावेश आहे.