बेळगाव : महात्मा फुले रोडवरील दैवज्ञ कार्यालय आणि हुलबत्ते कॉलनी येथील परिसरात कचऱ्याचे ढीग तसेच पडून आहेत. महानगरपालिकेचे कर्मचारी कचरा उचल करण्यासाठी फिरकलेच नाहीत. त्यामुळे रस्त्यावर तो कचरा पसरत असून या परिसरात दुर्गंधी पसरली आहे. याचबरोबर डासांचा प्रादुर्भावही वाढला आहे. तेव्हा तातडीने कचऱ्याची उचल करावी, अशी मागणी नागरिकांनी केली आहे. गेल्या काही दिवसांपासून महानगरपालिकेचे कर्मचारी कचऱ्याची उचल वेळेत करत नाहीत. परिणामी या परिसरात मोकाट जनावरे, भटकी कुत्री त्या कचऱ्याच्या ठिकाणी दिसत आहेत. याचबरोबर उंदरांची संख्याही वाढली आहे. कचरा रस्त्यावर विखरून पडत असल्यामुळे घाणीचे साम्राज्य निर्माण झाले आहे. तेव्हा तातडीने कचऱ्याची उचल करावी, अशी मागणी होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
