कोपर्डेत पदपथ बांधकामाला प्रारंभ

वाळपई : कोपर्डे गावातील अंतर्गत पदपथ बांधकामाला प्रारंभ देवस्थानचे पुजारी महादेव सावंत यांच्या हस्ते श्रीफळ वाढवून करण्यात आला. यावेळी म्हाऊस सरपंच सोमनाथ काळे, पंचायत सदस्य सयाजी सावंत, सचिव संदीप हल्याळी व ग्रामस्थ उपस्थित  होते.सदर पदपथाची वाताहात झाली होती. लोकांना चालण्यासाठी अडच निर्माण होत असल्यामुळे सदर पदपथची दुऊस्ती करावी अशी मागणी ग्रामस्थांनी केली होती. याचा प्रस्ताव वाळपई गटविकास कार्यालयातर्फे तयार करून तो मंजुरीसाठी  पंचायत संचालनालयाकडे पाठविल्यानंतर त्याला मान्यता दिली. या कामासाठी 17 लाख ऊपये खर्च करण्यात येणार आहेत. गणेश चतुर्थी पूर्वी सदर काम पूर्ण होणार आहे. म्हाऊस पंचायतक्षेत्राच्या विकासासाठी आतापर्यंत अनेक प्रस्ताव मंजूर झाले  आहेत. आमदार डॉ. देविया राणे व आरोग्यमंत्री विश्वजित राणे यांच्या सहकार्याने  विकासावर भर दिला आहे. पंचायत क्षेत्रात अनेक ठिकाणी कामे सुरू आहेत. आगामी काळात उर्वरित कामाना प्रारंभ करण्यात येणार असल्याचे सरपंच सोमनाथ काळे यांनी सांगितले. या पदपथावर पूर्वी पेव्हर्स घालण्यात आले होते. मात्र अनेक ठिकाणी सदर पेव्हर्स उखडल्यामुळे चालताना व दुचाकी वाहने हाकताना अडचण निर्माण होत असे. पाण्याचा निचरा करण्यासाठी गटाराची व्यवस्था करण्यात येणार आहे, असे सयाजी सावंत यांनी सांगितले.