फ्लाय -९१ आणि सिंधुदुर्ग एअरपोर्टच्या नि:शुल्क कोच सेवेला प्रवाशांचा उत्स्फूर्त प्रतिसाद

फ्लाय९१ आणि सिंधुदुर्ग विमानतळ प्रशासनाने संयुक्तपणे सुरू केलेली चिपी विमानतळ ते पणजी (गोवा) दरम्यानची नि:शुल्क कोच सेवा प्रवाशांसाठी एक मोठा दिलासा ठरत आहे. या सेवेमुळे चिपी विमानतळावर उतरलेल्या प्रवाशांना गोव्याच्या मुख्य शहरापर्यंत पोहोचण्यासाठी आता सहज, सोयीस्कर आणि खर्चिक त्रासाशिवाय प्रवास करता येत आहे . आरामदायी वातानुकूलित बस, ठराविक वेळापत्रक, आणि प्रवाशांच्या गरजांचा विचार करून आखलेला मार्ग यामुळे या सेवेची लोकप्रियता झपाट्याने वाढत आहे. स्थानिक नागरिकांपासून ते पर्यटकांपर्यंत अनेकांनी या उपक्रमाचे स्वागत केले असून, कोकणातील हवाई सेवा अधिक प्रभावी आणि प्रवासी-केंद्रित होण्याच्या दिशेने टाकलेले हे एक महत्त्वपूर्ण पाऊल मानले जात आहे. फ्लाय९१ आणि चिपी विमानतळाची ही नि:शुल्क कोच सेवा प्रवाशांच्या दृष्टीने उपयुक्त ठरत असून ही सेवा छोट्या विमानतळांना प्रमुख शहरी केंद्रांशी जोडण्याचं महत्त्वाचं कार्य पार पाडत आहे.