वृत्तसंस्था / इंदौर
येथील यशवंतक्लबमध्ये झालेल्या 36 व्या राष्ट्रीय स्नुकर चॅम्पियनशीप स्पर्धेत भारताच्या पंकज अडवाणीने जेतेपद पटकाविले. अडवाणीने आतापर्यंत 36 वेळा सर्वंकश राष्ट्रीय जेतेपद तर दहाव्यांदा पुरुष स्नुकर चॅम्पियनशीप स्पर्धेतील अजिंक्यपद मिळविले आहे.
इंदौरमध्ये झालेल्या स्पर्धेतील पंकज अडवाणीने ब्रिजेश दमानीचा 5-4 अशा फ्रेम्समध्ये पराभव केला. आता 15 फेब्रुवारीपासून सुरु होणाऱ्या आशियाई स्नुकर चॅम्पियनशीप स्पर्धेत अडवाणी आणि दमानी हे भारताचे प्रतिनिधीत्व करतील.
