पणजी बाजारपेठ सजली झेंडूच्या फुलांनी

पणजी : दसऱ्यानिमित्त पणजी बाजारपेठ लाल पिवळ्या झेंडूच्या फुलांनी सजले असून, झेंडू विक्री आणि खरेदीसाठी रविवारी पणजी बाजारपेठात सर्वत्र गर्दी पाहायला मिळाली. झेंडूच्या आकारानुसार 60 ऊपये ते 120 ऊपये प्रतिकिलो पर्यंत झेंडू विकला जात आहे तर एक मीटरचे हार 40 ते 50 ऊपयेपर्यंत पणजी बाजारपेठात उपलब्ध आहेत. राज्यभरात दसरा उत्सवाला मोठ्या प्रमाणात झेंडूच्या फुलांचा वापर केला जातो. खंडेनवमी आणि दसरा दोन्ही  उत्सव मोठ्या प्रमाणात राज्यात साजरी केले जातात.तसेच दाराला तोरण , शस्त्रपूजा करण्यासाठी झेंडूच्या फुलांचा वापर केला जातो. व आपट्याच्या पानांनी सोनेदेखील लुटले जाते. दरम्यान, राज्यात सणांच्या काळात झेंडूची मागणी वाढते परंतु पुरेसे उत्पादन राज्यात होत नसल्यामुळे महाराष्ट्र तसेच कर्नाटकमधून  झेंडूची आयात करावी लागत होती. परंतु गेल्या दोन वर्षापासून राज्यात झेंडू उत्पादनाला राज्य सरकारद्वारे प्रोत्साहन दिले जात आहे. गेल्या वषी  राज्यात 250 शेतकऱ्यांनी झेंडूची लागवड केली होती. यावषी एकूण 285 शेतकऱ्यांनी झेंडूची लागवड केली आहे. गेल्यावषी राज्यात एकूण 17 हेक्टर क्षेत्रात झेंडू लावण्यात आला होता. त्याचे उत्पादन सुमारे 102 मेट्रिक टन होते. यावषी झेंडूचे क्षेत्र वाढून 25 हेक्टरपर्यंत पोहोचले आहे. यातून 125 मेट्रिक टन उत्पादन अपेक्षित होते.