तेहरान :
इराणमध्ये पाकिस्तानी यात्रेकरूंना घेऊन जाणारी बस पलटी होऊन 28 प्रवाशांचा मृत्यू झाला. हा अपघात मंगळवारी रात्री झाला. या अपघातात 23 प्रवासी जखमी झाले आहेत. पाकिस्तानातून यात्रेकरूंना घेऊन ही बस इराकला जात होती. इराणच्या वृत्तसंस्थेने दिलेल्या माहितीनुसार, इराणच्या यजद प्रांतात हा अपघात झाला. अपघातावेळी बसमधून 51 जण प्रवास करत असल्याची माहिती प्रशासकीय पातळीवरून देण्यात आली.
