गोमटेशला सर्वसाधारण विजेतेपद

बेळगाव : सार्वजनिक शिक्षण खात्यातर्फे घेण्यात आलेल्या कामधेनू स्कूल आयोजित खासबाग, वडगाव क्लस्टर, क्रीडा स्पर्धेत गोमटेश स्कूलच्या विद्यार्थ्यांनी 165 गुणासह सर्वसाधारण विजेतेपद पटकाविले. जिल्हा क्रीडांगणावर घेण्यात आलेल्या अॅथलेटिक्स स्पर्धेमध्ये मुलांच्या गटात निखिलने प्रथम क्रमांक, 200 मी सोमनाथ साळुंखे प्रथम क्रमांक, 400 मी. रिंकू कुडतरकरने प्रथम तर संकेशीव तिगडीने द्वितीय क्रमांक तर लांब उडीत प्रथम क्रमांक पटकाविला. उंच उडीत सिध्दांत यादव तृतिय, निखिल सिंगने गोळाफेक व थाळीफेकमध्ये प्रथम, प्रेमने द्वितीय क्रमांक पटकाविला. 4×100 मी. रिलेमध्ये प्रथम क्रमांक, दोरींच्या उडीमध्ये सोहम कुंडेकरने प्रथम तर चंद्रकांतने द्वितीय क्रमांक पटकाविला. बुध्दीबळ स्पर्धेत समर्थ रायकर प्रथम, योगा स्पर्धेत नितीश शेट्टी प्रथम तर सांघिक खेळात हँडबॉल, टेबल टेनिस, क्रिकेट, बॅडमिंटनमध्ये प्रथम  तर फुटबॉलमध्ये उपविजेतेपद पटकाविले. मुलींच्या विभागात 100 मी. व 200 मी. प्रथम व द्वितीय क्रमांक, अडथळा शर्यतीमध्ये सना छब्बीने द्वितीय क्रमांक, लांब उडी झोया पेंडरेने प्रथम, उंच उडीत निधी पाटीलने द्वितीय, थाळीफेकमध्ये समर्था पुजारीने प्रथम, 4×100 मी. रिलेमध्ये प्रथम, योगा स्पर्धेत प्रथम, सांघिक खेळात हँडबॉल, टेबल टेनिस, बॅडमिंटन व थ्रोबॉल स्पर्धेत विजेतेपद पटकाविले. या सर्व खेळाडूंना क्रीडा शिक्षक नितीन नाईक, संस्थेचे अध्यक्ष माजी. आम. संजय पाटील, मुख्याध्यापिका ज्योत्स्ना हणमगोंड व शिक्षक वर्ग यांचे प्रोत्साहन लाभत आहे.