संजीवनीमध्ये ज्येष्ठांसाठी उन्हाळी शिबिराचे आयोजन

बेळगाव : आदर्शनगर येथील संजीवनी फौंडेशनतर्फे ज्येष्ठांसाठी उन्हाळी शिबिर भरविण्यात आले आहे. व्यासपीठावर उद्घाटक म्हणून अॅड. चंद्रहास अणवेकर, प्रमुख पाहुण्या म्हणून डॉ. नविना शेट्टीगार, सीईओ मदन बामणे, संजीवनीच्या संस्थापक डॉ. सविता देगीनाळ, डॉ. सुरेखा पोटे, संचालक रेखा बामणे उपस्थित होत्या. मान्यवरांचे स्वागत जयश्री ढवळी यांनी केले. उद्घाटक अॅड. चंद्रहास अणवेकर व मान्यवरांच्या हस्ते रोपट्याला पाणी घालून शिबिराचे उद्घाटन करण्यात आले. कार्यक्रमाचे प्रास्ताविक करताना डॉ. देगीनाळ म्हणाल्या, दररोज वेगवेगळ्या पद्धतीने चित्रकला, पेंटिंग, नृत्यकला तसेच वेगवेगळे खेळ आयोजित करून त्यातून उत्कृष्ट कला सादरीकरण करणाऱ्यांना बक्षिसे दिली जातात. तसेच एक दिवस सहलीचे आयोजन करण्यात येते. या शिबिरात प्रत्येकजण सहभागी होऊन आनंद लुटत आहेत. यावेळी अॅड. अणवेकर यांचा शाल स्मृतिचिन्ह आणि भेटवस्तू देऊन गौरव करण्यात आला. ते म्हणाले, आजपर्यंत लहान मुलांसाठी समर पॅम्प असतात हे पाहिलं होतं पण पहिल्यांदाच जेष्ठांसाठी पण अशा पद्धतीचे पॅम्प आयोजित केल्याचे पाहिले. संजीवनी फौंडेशनने खूप स्तुत्य उपक्रम असून राबवला असून याचा आनंद सहभागी व्यक्तींनी घ्यावा असेही सांगितले. डॉ. नविना शेट्टीगार यांनीही आपले मनोगत व्यक्त केले. अध्यक्षीय समारोप करताना मदन बामणे यांनी पुढील वर्षांपासून हे उन्हाळी शिबिर फक्त फौंडेशनपुरते मर्यादित न ठेवता बाहेरील ज्येष्ठ नागरिकांसाठी सुद्धा आयोजित करण्याचा मानस असल्याचे सांगितले. कार्यक्रमाचे सूत्रसंचालन सरिता सिद्दी यांनी तर विजयालक्ष्मी पाटील यांनी आभार मानले.