कृषीदिनी हलगा-मच्छे बायपासला विरोध

बेळगाव : हलगा-मच्छे बायपास रस्त्याच्या कामाला तीव्र विरोध करत माजी पंतप्रधान चौधरी रणसिंग यांची जयंती अर्थात राष्ट्रीय कृषीदिन साजरा करण्यात आला. हलगा-मच्छे बायपास प्रकल्प रद्द करावा, अशा घोषणा देत शेतकऱ्यांनी आपला तीव्र विरोध व्यक्त केला. बायपासचे प्रकरण न्यायप्रविष्ट असूनही ठेकेदाराकडून रस्त्याचे काम सुरू करण्याचा प्रयत्न सुरू आहे. झिरो पॉईंट निश्चित होईपर्यंत रस्त्याचे काम करण्यात येऊ नये, अशी मागणी शेतकऱ्यांची आहे. 15 डिसेंबर रोजी रस्त्याचे काम बंद पाडले असले तरी ते कोणत्याही क्षणी सुरू होऊ शकते. या पार्श्वभूमीवर सोमवारी शेतकऱ्यांनी राष्ट्रीय कृषी दिनानिमित्त हलगा-मच्छे बायपासच्या ठिकाणी एकत्र येऊन निदर्शने केली. ‘रद्द करा, रद्द करा, हलगा-मच्छे बायपास रद्द करा’ अशा घोषणा देत विरोध दर्शविला.