पणजी : सभापतीपदाच्या निवडणुकीसाठी विरोधी पक्षातर्फे उमेदवार उभा करण्यात येणार असल्याची माहिती विरोधी पक्षनेते युरी आलेमाव यांनी दिली आहे. बुधवार दि. 10 सप्टेंबर रोजी विरोधी पक्ष आमदारांची बैठक होणार असून त्यात उमेदवाराचे नाव ठरवण्यात येणार असल्याचे आलेमाव यांनी नमूद केले. त्यामुळे सभापतीची निवडणूक बिनविरोध होणार नसून त्यासाठी मतदान घ्यावे लागणार असल्याचे स्पष्ट झाले आहे. बुधवारी 10 सप्टेंबर रोजी कामकाज सल्लागार समितीची बैठक होणार असून त्यात 25 सप्टेंबर रोजी होणाऱ्या एक दिवसीय विधानसभा अधिवेशनाचा कार्यक्रम ठरवला जाणार आहे. त्यानंतर विरोधी आमदारांची बैठक घेण्यात येणार असल्याचे सांगण्यात आले. सत्ताधारी पक्षाकडे 33 आमदाराचे बळ आहे तर विरोधी पक्षाकडे 7 आमदार आहेत. सभापतीपदाच्या निवडणुकीत सत्ताधारी पक्षाचा विजय होणार आणि विरोधी पक्षाची हार होणार याची पक्की खात्री असूनही विरोधी पक्षांनी निवडणुकीत उतरायचे ठरविले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
