खुल्या बुद्धिबळ स्पर्धा चषकाचे अनावरण

बेळगाव : सतीश जारकीहोळी खुल्या बुध्दिबळ स्पर्धा चषकाचे अनावरण खासदार प्रियांका जारकीहोळी यांच्या हस्ते शनिवारी झाले. सतीश जारकीहोळी फैंडेशनतर्फे गोवावेसमधील महावीर भवनात ही स्पर्धा 25 व 26 ऑक्टोबर रोजी होणार आहे. सतीश जारकीहोळी फौंडेशनतर्फे गेल्या तीन वर्षांमध्ये या स्पर्धेला चांगला प्रतिसाद मिळत आहे. स्पर्धा राष्ट्रीय स्तरावर होत असल्याने यामध्ये नामवंत स्पर्धक सहभागी होणार आहेत. त्यांच्यासाठी व्यवस्था चोखपणे करण्यात यावी. उत्तर कर्नाटकातील विद्यार्थ्यांना प्रोत्साहन देण्याची ही उत्तम संधी आहे, असे खासदार जारकीहोळी यांनी सांगितले. यावेळी इम्रान तपकीर, पांडुरंग रंगसुभे, दीक्षिता पुजारी आदी उपस्थित होते.