केवळ सुदैवाने दुचाकीस्वार बचावला

बेळगाव : गुलबर्गाहून बेळगावकडे येणाऱ्या बसखाली दुचाकी सापडली. हा अपघात बेळगाव-बागलकोट रस्त्यावरील शिंदोळी क्रॉसजवळ झाला. सुदैवानेच या घटनेत दुचाकीस्वार बचावला आहे. गुलबर्गा येथून केए 22 एफ 1970 ही बस बेळगावकडे येत होती. यावेळी सांबरा रस्त्यावरून दुचाकीस्वार बेळगावकडे येत असताना त्याची दुचाकी बसखाली गेली. बसचालकाने तातडीने ब्रेक लावल्याने मोठा अनर्थ टळला आहे. हा अपघात पाहता दुचाकीस्वार गंभीर जखमी होण्याची शक्यता होती. मात्र सुदैवाने या अपघातातून तो बचावला असून किरकोळ जखमी झाला आहे. रात्री उशिरापर्यंत उत्तर रहदारी पोलीस स्थानकामध्ये अपघाताची नोंद झाली नव्हती.