दुचाकी अपघातात एक ठार; एक जखमी

बेळगाव : दुचाकी दुभाजकावर आदळल्याने झालेल्या अपघातात दुचाकीचालक ठार झाला. तर मागे बसलेला एकजण जखमी झाला. बुधवार दि. 5 रोजी दुपारी 2 वाजण्याच्या सुमारास जुने बेळगाव नाक्याजवळ बी. एस. येडियुराप्पा मार्गावर हा अपघात घडला. मंजुनाथ विठ्ठल होसकोटी (वय 26) रा. सुळेभावी असे मयताचे तर निंगाप्पा होसमनी (वय 25) रा. सुळेभावी असे जखमीचे नाव आहे. त्याच्यावर जिल्हा ऊग्णालयात उपचार सुरू आहेत. मयत मंजुनाथ यांचा हातमाग व्यवसाय असून बाजारात साड्या देण्यासाठी ते सुळेभावीहून बेळगावला आले होते. परत गावाकडे जाताना जुने बेळगाव नाक्याजवळील पेट्रोलपंपाजवळ दुचाकीवरील ताबा सुटल्याने दुभाजकावर आदळली. त्यात मंजुनाथ हा गंभीर जखमी झाला. त्याला ऊग्णालयाकडे नेण्यात येत असताना वाटेतच मृत्यू झाला. तर निंगाप्पा जखमी झाला आहे. जखमीवर जिल्हा ऊग्णालयात उपचार सुरू आहेत. अपघाताची नोंद दक्षिण वाहतूक पोलीस ठाण्यात झाली आहे.