49 जणांवर गुन्हा दाखल, बनावट सातबाऱयाच्या आधारे घेतलेल्या कर्जाची परतफेड नाही
वार्ताहर/ कुडाळ
जावळी तालुक्यातील कुडाळ येथील बँक ऑफ महाराष्ट्र या बँकेची फसवणूक केल्याप्रकरणी जावळी तालुक्यातील 49 जणांवर मेढा पोलीस ठाण्यात फसवणुकीचा गुन्हा दाखल करण्यात आला आहे. या 49 जणांनी बँक ऑफ महाराष्ट्रची जवळपास सव्वा ते दीड कोटींची आर्थिक फसवणूक केली असल्याची माहिती मिळत असून यासंदर्भातची फिर्याद मेढा पोलीस ठाण्यात शाखाधिकारी सरोजकुमार भगत यांनी दाखल केली आहे.
या 49 जणांनी बोगस सातबारे उतारे तयार करून तलाठी यांची खोटी सही व शिक्यावरून सदर उतारे खरे आहेत असे बँकेला सांगून ते बँकेकडे सादर करून त्या सातबारावर, शेतजमिनीवर कर्ज घेतले. तर या घेतलेल्या कर्जाची परतफेड केली नाही. व बँकेची संगनमताने फसवणूक केली आहे, अशी फिर्याद मेढा कोर्टात दिल्याने मेढा कोर्ट यांनी 156 (3) प्रमाणे प्रथम खबर दाखल करणे बाबतचा आदेश दिला. त्यानुसार सदर गुन्हा रजिस्टर करण्यात आला आहे.
मेढा पोलीस ठाण्यात बँकेची फसवणूक केल्याप्रकरणी आखाडे येथील सचिन उत्तमराव शिंदे, विक्रांत बापूसाहेब शिंदे, बाळासाहेब जगन्नाथ अमराळे, सचिन लक्ष्मण जाधव, सचिन बापूसाहेब शिंदे, लक्ष्मण शहाबाद, प्रवीण शिवाजी यादव (रा. आंबेघर), कांता चंद्रकांत बेलोशे बेलोशी, महादेव मदने, आदिनाथ लोहार, संगम जरे, छाया दीपक जाधव (सर्व रा. हुमगाव), संतोष शिवाजी पवार, संतोष बाळासाहेब कदम, सयाजी बाळासाहेब कदम, जयश्री सयाजी कदम (सर्व रा. कुडाळ), शिवाजी शंकर करंदकर, श्रीराम शंकर करंदकर, मच्छिंद्र शंकर करंदकर (सर्व रा. रानगेघर), अक्षय भाऊसो दुर्गावळे, दिगंबर विठ्ठल गोळे, लीला विजय दुर्गवळे, अक्षय अशोक पवार (सर्व रा. सनपाने), विकास तानाजी नवले, भारती तानाजी नवले, वैभव तानाजी नवले, तानाजी आनंदराव नवले, संताजी दत्तात्रय नवले (सर्व रा. शरताळे), जितेंद्र यशवंत मेंगळे, नितीन यशवंत मेंगळे (रा. शेते), प्रवीण शामराव परामणे (रा. सोमर्डी), नवनाथ जगन्नाथ रांजणे वहागाव, सुधीर बबन यादव रा. आंबेघर, अविनाश गायकवाड रा. इंदवली,यासह अन्य अशा सर्व 49 जणांवर फसवणुकीचा गुन्हा दाखल करण्यात आला आहे.
मेढा पोलीस ठाण्याचे सहाय्यक पोलीस निरीक्षक संतोष तासगावकर या फसवणूक प्रकरणाचा पुढील तपास करत आहेत. या सर्वांनी सन 2014 पासून फसवणूक केली असल्याचे तक्रारीत म्हटले आहे.
