कोनवाळ गल्ली येथील नाला स्वच्छतेची सूचना

बेळगाव : पावसाळा सुरू होण्यापूर्वी कोनवाळ गल्ली येथील नाल्याची स्वच्छता करा, अशा सूचना महापौर शोभा सोमनाचे व उपमहापौर रेश्मा पाटील यांनी दिल्या आहेत. बुधवारी त्यांनी कोनवाळ गल्ली येथील नाल्याची पाहणी केली. त्यांच्यासमवेत महानगरपालिकेतील आरोग्य अधिकारी व कर्मचारी होते. पावसाला सुरुवात होण्यापूर्वी या नाल्याची स्वच्छता करा व या कामाबाबत आठ दिवसात अहवाल द्या, अशा सूचना महापौरांनी केल्या. त्याचबरोबर येथील शाळेलाही भेट देऊन शाळेतील समस्याही त्यांनी जाणून घेतल्या. त्यांच्यासमवेत या भागाचे नगरसेवकही उपस्थित होते.