ऑनलाईन टीम / तरुण भारत :
राष्ट्रवादीचे नेते अजित पवार समर्थक आमदारांसह राजभवनात दाखल झाले आहेत. अजित पवार यांच्यासह राष्ट्रवादीचे 9 आमदार मंत्रिपदाची शपथ घेणार आहेत. राजभवनात शपथविधीची जोरदार तयारी सुरू आहे.
अजित पवार यांच्याकडे पक्षातील 54 पैकी 30 आमदारांच्या समर्थनाचे पत्र आहे. छगन भुजबळ, दिलीप वळसे-पाटील, धनंजय मुंडे, हसन मुश्रीफ, संजय बनसोडे, आदिती तटकरे यांच्यासह अन्य दोन आमदार मंत्रिपदाची शपथ घेणार आहेत. राजभवनात उपमुख्यमंत्री देवेंद्र फडणवीस, चंद्रशेखर बावनकुळे, चंद्रकांत पाटील, सुधीर मुनगंटीवार यांच्यासह अन्य काही भाजप नेते राजभवनात दाखल झाले आहेत. दुसरीकडे मुख्यमंत्री एकनाथ शिंदे हे देखील राजभवनाच्या दिशेने रवाना झाले आहेत.
