निगानंद हिरेमठ मि.लिंगराजचा मानकरी

बेळगाव : लिंगराज महाविद्यालय व बेळगाव जिल्हा शरीर सौष्ठव संघटना यांच्या संयुक्त विद्यमाने 37 व्या मि. लिंगराज महाविद्यालयीन शरीरसौष्ठव स्पर्धेत निगानंद हिरेमठ यांनी आपल्या पिळदार शरीराच्या जोरावर मिस्टर लिंगराज हा मानाचा किताब पटकाविला. लिंगराजच्या सभागृहात आयोजित स्पर्धेचे उद्घाटन महाविद्यालयाचे प्राचार्यांच्या हस्ते हनुमान मूर्तीचे पूजन करुन झाले. या स्पर्धेत महाविद्यालयाच्या 20 हून अधिक स्पर्धकांनी भाग घेतला होता. त्यामध्ये बीए चौथ्या सेमिस्टरच्या निगानंद हिरेमठ याने आपल्या पिळदार जोरादावर प्रथम क्रमांकासह मि. लिंगराज हा कितान पटकाविला. बीए दुसऱ्या वर्षाच्या प्रवीण कुद्रीमठने दुसरा, ओमकार सांबरेकरने तिसरा, सिद्धार्थ अंबोजीने चौथा तर विशाल सालन्नावरने पाचवा क्रमांक पटकाविला. स्पर्धेनंतर महाविद्यालयाचे क्रीडा निर्देशक डॉ. राम राव, रिचा राव, आशिया पंच अजित सिद्दण्णावर, गंगाधर एम., हेमंत हावळ, नूर मुल्ला, सुनील राऊत, बसवराज अरळीमट्टी, सुनील आपटेकर, गणेश गुंडप आदी मान्यवरांच्या हस्ते विजेत्या स्पर्धकांना पदके, प्रमाणपत्र व भेटवस्तु देवून गौरविण्यात आले.