नवीन होंडा शाईन लाँच

बेळगाव : पॅटसन व मंगेश होंडामार्फत सोमवारी मिलेनियम गार्डनमध्ये नवीन होंडा शाईन 100 सीसी बाईक लाँच करण्यात आली. आरटीओ नागेश मुंडास, पॅटसन होंडाचे मालक राहुल पाटील, मंगेश होंडाचे मालक रोहित देशपांडे, कंपनी विभाग प्रमुख प्रेम बी. आदींच्या हस्ते ही नवीन बाईक लाँच करण्यात आली. या सोहळ्याला मान्यवरांच्या हस्ते शानदार सुरुवात झाली. यावेळी या नवीन बाईकविषयी दुचाकीप्रेमींना अधिक माहिती देण्यात आली. या बाईकमध्ये 100सीसी एअर कुल्ड, सिंगल सिलेंडर, फ्युएल इंजेक्टेड इंजिन देण्यात आले आहे. कंपनीने पाच रंगांमध्ये ही बाईक उपलब्ध केली आहे. उत्तम मायलेज आणि उत्सर्जनासाठी ट्यून आहे. लांब सीट व दैनंदिन प्रवासासाठी ही बाईक आरामदायी आहे. त्यामुळे या बाईककडे दुचाकीप्रेमींचा कल वाढेल, असा विश्वास व्यक्त करण्यात आला. यावेळी पॅटसनचे मॅनेजर अभिषेक मठपती, सुनील हळदणकर, होंडाचे कर्मचारी व दुचाकीप्रेमी उपस्थित होते.