डेपो मास्टर क्रिकेट स्पर्धा
बेळगाव : डेपो मास्टर स्पोर्ट्स क्लब आयोजित डेपो मास्टर चषक टेनिसबॉल क्रिकेट स्पर्धेत मंगळवारी खेळविण्यात आलेल्या सामन्यातून नील बॉईज-हिंडलगा, आरसीसी व चिकोडी सीसी संघाने आपल्या प्रतिस्पर्ध्यांवर मात करुन पुढील फेरीत प्रवेश मिळविला. सुशांत कडोलकर, जुनेत ताशिलदार, अरुण ए. सी. यांना सामनावीर पुरस्कार देण्यात आला. एस.के.ई. प्लॅटिनम ज्युब्ली मैदानावरती खेळविण्यात आलेल्या पहिल्या सामन्यात नील बॉईज-हिंडलगा संघाने प्रथम फलंदाजी करताना 8 षटकात 4 गडी बाद 105 धावा केल्या. त्यात सुशांत कडोलकरने 4 षटकार 8 चौकारांसह 62 तर तनिष्क नाईकने 3 षटकार 3 चौकारासह 32 धावा केल्या. आर्यन स्पोर्ट्सतर्फे परशरामने 3 तर फैईमने 1 गडी बाद केला. प्रत्युत्तरादाखल खेळताना आर्यन स्पोर्ट्सने 8 षटकात 4 गडी बाद 80 धावा केल्या. त्यात गयाज पी.ने 3 षटकार 3 चौकारांसह 36, प्रथमेश कापुसकरने 1 षटकार 3 चौकारांसह 25 धावा केल्या. हिंडलगातर्फे सुशांत, तनिष्क, पवन व संतोष यांनी प्रत्येकी 1 गडी बाद केला.
दुसऱ्या सामन्यात ए. वाय.सी. अझमनगरने प्रथम फलंदाजी करताना 8 षटकात 6 गडी बाद 78 धावा केल्या. त्यात ए. पठाणने 21 तर मलिकजानने 20 धावा केल्या. आरसीसीतर्फे मिलिंद बेळगावकरने 3 तर उमर शेखने 1 गडी बाद केला. प्रत्युत्तरादाखल खेळताना आरसीसीने 7.2 षटकात 6 गडी बाद 79 धावा करुन सामना 4 गड्यांनी जिंकला. त्यात फैयाज मुल्लाने 30 तर साहील देसाईने 20 धावा केल्या. एवायसीतर्फे जुनेद ताशिलदारने 3 तर आकाश असलकरने 2 गडी बाद केले. तिसऱ्या सामन्यात व्ही.के. किंग्जने प्रथम फलंदाजी करताना 8 षटकात 9 गडी बाद 46 धावा केल्या. त्यात रोहीतने 11 धावा केल्या. चिकोडीतर्फे अरुण ए.सी. व चंदन यांनी प्रत्येकी 3 तर विनोदने 2 गडी बाद केले. प्रत्युत्तरादाखल खेळताना चिकोडी सी.सी.ने 3.5 षटकात 2 गडी बाद 47 धावा करुन सामना 8 गड्यांनी जिंकला. त्यात 1 षटकार 4 चौकारांसह दीपक कांबळे 27, विशाल पुजारीने 13 धावा केल्या. आकिब व प्रशांत यांनी प्रत्येकी 1 गडी बाद केला.
