दिल्लीमध्ये राष्ट्रवादी अधिवेशन सुरु आहे. या अधिवेशनासाठी राष्ट्रवादीचे देशभरातील पदाधिकारी उपस्थित झाले आहेत. अधिवेशनाच्या सुरुवातीलाच राष्ट्रवादीचे अध्यक्ष शरद पवार यांनी भाषणाला सुरुवात केली. शिवाजी महाराज, शाहू, फुले, आंबेडकर आमचं प्ररणास्थान आहे. दिल्लीच्या सत्तेसमोर शिवाजी महाराज झुकले नाहीत.पेशव्यांनी याच तालकटोरा स्टेडियममध्ये तळ ठोकला होता. बाजीराव पेशव्यांनी इथूनच दिल्लीला आव्हान दिल्याची इतिहासाची आठवण करून दिली. राष्ट्रवादीचं आज आठवं अधिवेशन आहे. या अधिवेशनात राष्ट्रवादी नेमकी कोणती रणनीती आखणार? याकडे सर्वांचे लक्ष लागून राहिले आहे.
