बेळगाव : इंटीग्रेटेड सोशल वेलफेअर सोसायटी व नॅशनल रुरल डेव्हलपमेंट फौंडेशनतर्फे बेकिनकेरे येथील श्री नागनाथ को-ऑप. क्रेडिट सोसायटीला राष्ट्रीय आदर्श सहकारी संस्था पुरस्कार देऊन गौरविण्यात आले. साखळी गोवा येथे झालेल्या कार्यक्रमात कोल्हापूरचे माजी महापौर राजू शिंगाडे व अरविंद घट्टी यांच्या हस्ते संस्थेचे चेअरमन आणि संचालकांनी हा पुरस्कार स्वीकारला. सामाजिक, शैक्षणिक आणि सहकार क्षेत्रात केलेल्या उल्लेखनीय कार्याची दखल घेऊन हा पुरस्कार देण्यात आला आहे. दिल्ली, गुजरात, कर्नाटक, महाराष्ट्र आणि गोवा राज्यातील निवडक सहकारी संस्थांची या पुरस्कारासाठी निवड करण्यात आली होती. यामध्ये नागनाथ सोसायटीची निवड झाली होती. या पुरस्कारामुळे सभासद, हितचिंतकांतून कौतुक होत आहे. यावेळी चेअरमन मल्लाप्पा गावडे, व्हा चेअरमन सोमनाथ सावंत, संचालक चंद्रकांत भोगण, अंबाजी सावंत, गंगाराम सावंत, नारायण सावंत, मॅनेजर संजय पाटील उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
