बेळगावच्या भूषणला राष्ट्रीय पदक

बेळगाव : ओडिसा-भुवनेश्वर येथे 40 व्या राष्ट्रीय ज्युनिअर अॅथलेटिक्स चॅम्पियन स्पर्धेत भूषण पाटीलने रौप्य पदक पटकावीत यश संपादन केले. कर्नाटक संघाचे प्रतिनिधित्व करताना 400 मी. अडथळा शर्यतीत भूषण पाटीलने 52.07 सेकंद वेळ घेत रौप्य पदक मिळविले. भूषणला प्रशिक्षक ज्ञानेश डुक्करवाडकर, अमर डुक्करवाडकर व लिंगराज महाविद्यालयाचे क्रीडा निर्देशक डॉ. रामराव यांचे मार्गदर्शन लाभत आहे. निवृत्त सुभेदार सुनील पाटील व सुनीता पाटील यांचे प्रोत्साहन मिळत आहे.