मराठा अभिवृद्धी निगमला छ. शिवाजी महाराजांचे नाव द्या

राष्ट्रवादी काँग्रेस पक्षाचे जिल्हाधिकार्‍यांना निवेदन

प्रतिनिधी / बेळगाव
कर्नाटकातील मराठा समाजासाठी मराठा अभिवृद्धी निगमची स्थापना करण्यात आली. याबद्दल आम्ही त्यांचे स्वागत करत आहे. मात्र या मराठा निगमला छत्रपती शिवाजी महाराजांचे नाव द्यावे अशी मागणी राष्ट्रवादी काँग्रेस पक्षातर्फे जिल्हाधिकाऱ्यांकडे निवेदनाद्वारे करण्यात आली आहे.
त्याचबरोबर बेळगाव तालुक्यामधील सैनिक स्कूलला छत्रपती शाहू महाराजांचे नाव द्यावे याच बरोबर दरवर्षी 100 कोटी रुपये निधी उपलब्ध करावा अशी मागणीही करण्यात आली शिरस्तेदार मंजुनाथ जानकी यांना निवेदन देण्यात आले. यावेळी पक्षाचे जिल्हाध्यक्ष अमोल देसाई, दुर्गेश म्हेत्री, के.जी. पाटील, सुरेंद्र तळवार, नारायण बसर्गे यांच्यासह कार्यकर्ते उपस्थित होते.